Gihingusgan ni British Prime Minister Sir Keir Starmer nga mapatuman ang social media ban sa mga batang 16 anyos pa ubos.
Tumong niini nga ” mapanalipdan sila gikan sa mga risgo sa mental health ug uban pang kakuyaw sa online world.
Lakip sa maong ban ang mga sikat nga apps sama sa TikTok, Instagram, Snapchat, Facebook, ug YouTube, apan dili apil ang mga messaging services sama sa WhatsApp ug Signal.
Limitahan usab sa maong balaod ang mga livestreaming ug ‘gaming platforms’ aron mapugngan ang pagpakig-istorya sa mga estranghero ngadto sa mga bata.
Ang United Kingdom mosunod sa susamang modelo sa Australia nga unang nagpatuman niini, ug gilauman nga hingpit kining mapatuman sunod tuig.
