Nagpasidaan ang usa ka miltary commander sa Iran ngadto sa Estados Unidos ug Israel batok sa bisan unsang pag-atake samtang nangandam ang nasod sa state funeral ni Supreme Leader Ayatollah Ali Khamenei diin napatay sa airstrike.
Gipahayag ni Ali Abdollahi, tigpamaba sa Khatam al-Anbiya Central Headquarters, nga kinahanglang likayan sa ilang mga kaaway ang sayop nga kalkulasyon tungod sa bug-at nga balos nga ihatag sa ilang armadong kusog.
Ang maong prosesyon sa paglubong sugdan karong Hulyo 4 didto sa Tehran ug tapuson sa Hulyo 9 pinaagi sa pagpahimutang kaniya sa iyang yutang natawhan sa Mashhad.
Sa pikas bahin, nagpagawas sab og susamang pasidaan si Iranian Foreign Minister Abbas Araqchi human magkanayon si Israeli Defence Minister Israel Katz nga giingong ‘marked for death’ o target si Mojtaba Khamenei.
Tungod niini, gipatuman ang mas hugot nga seguridad sa Iran ug temporaryo nga gidid-an ang pag-agi sa mga eroplano sa airspace sa pipila ka dagkong siyudad lakip ang Tehran ug Mashhad. (riza budlao)
