Padayon ang pagdagsa sa mga tawo sa Imam Khomeini Grand Mosalla sa Tehran alang sa usa ka semana nga funeral procession isip paghatag sa katapusang pasidungog sa mitaliwan nga Supreme Leader sa Iran nga si Ali Khamenei.
Si Khamenei gikatahong nakabsan sa kinabuhi niadtong Pebrero 28 human maigo sa airstrike nga gilusad sa mga pwersa sa United States ug Israel.
Taliwala sa maong dakong panagtigom, gipakita sa gobyerno sa Iran ang ilang determinasyon nga magpabiling lig-on bisan pa sa dakong kahaw-ang nga gibilin sa pagkamatay sa ilang lider.
Sa pagkakaron, padayon nga wala magpakita sa publiko ang bag-ong Supreme Leader sa Iran nga si Mojtaba Khamenei, nga sumala sa mga report, nagpaubos sa publiko tungod sa seguridad ug sa mga samad nga iyang naangkon.
Ang maong hitabo nagpadayag sa nagpadayon nga tensyon ug kawalay kasigurohan sa rehiyon sa Middle East. (jane abulag)
