GIMENTINAR ni Police Major Emilita Simon, ang tigpamaba sa Cagayan de Oro City Police Office (COCPO), nga nagpadayon gihapon ang pag-alagad sa mga station commander sulod sa dakbayan sa Cagayan de Oro.
Apan, gipasabot sa tigpamaba nga adunay regular nga rotation o lahugay sa mga komandante sa nagkadaiyang estasyon sa pulisya nga gipatuman. Tumong niini nga mapalig-on ang liderato sa matag police station segun sa mando sa opisina sa city police director.
Una niini, gisalikway sa COCPO ang report nga adunay major revamp tungod sa pagpapha sa duha ka police official sa Bulua Police Station human nila gi-unay pagmolestiya ang mga police interns.
