CAGAYAN DE ORO CITY – Nakasuhan ang aktibong sundalo nga nasapon nangawat sa motorsiklo nga iya sa haba-habal driver sa Brgy Bagong Silang,Iligan City.
Kini human nasikop sa follow up operation ang suspek nga si PFC Ed Kevin Quilab,21 anyos, nga taga-Naawan,Misamis Oriental ug aktibong miembro sa militar nga nakabase sa Maguindanao.
Miingon si Maj Rixell Torayno,commander Iligan City Police Office Station 1 nga giangkon sa suspek nga nabaligya na niya ang motorsiklo nga gipanag-iya ni Juniel Narbay sa Marawi City.
Naaresto ang suspek dihang nabilin ang pitaka ni Narbay sulod sa lodging house hinungdan gilayong gi-report kini sa kapolisan ug gipaubos sa follow up operation.
