Gikompara ni French President Emmanuel Macron ang nagpadayon nga wildfires isip usa sa pinakalisod nga krisis nga giatubang sa France sukad sa pagtapos sa World War II.
Atol sa iyang pagbisita sa mga lugar nga grabeng naapektuhan sa sunog, gipasidunggan niya ang mga firefighters ug uban pang emergency responders nga walay hunong sa pagpakigbatok sa kalayo, ug gipasalig nga nagbarug ang tibuok nasud sa ilang luyo.
Liboan ka mga firefighters, sundalo, ug uban pang personnel ang gi-deploy sa nagkalain-laing rehiyon aron mapugngan ang paspas nga pagkalapad sa sunog nga gipasamot sa taas nga temperatura, kusog nga hangin, ug uga nga kahimtang sa kalasangan.
Tungod sa nagkadako nga peligro, kapin sa 220,000 ka mga residente ang gipabakwit ngadto sa mas luwas nga mga lugar, samtang kapin sa 42,000 ka ektarya sa kalasangan sa rehiyon sa Gironde ang padayon nga gisunog sa wildfires.
Nanawagan usab si Macron sa publiko nga mosunod sa mga pahimangno sa mga otoridad ug mag-amping aron malikayan ang mga sunog, nga matod sa mga opisyal kasagaran magsugod tungod sa kalihokan sa tawo. (jane abulag)
