Misaka pa sa P1.1 milyon ang damyos sa dako nga sunog nga niulbo sa Zone 10, Purok 2B, Zayas, Brgy. Carmen, kaganina sa kadlawon.
Namahayag si FO3 Kevin Carl Vallejos, sa BFP-Carmen Substation nga alas 2:19 sa kadlawon sila nakadawat sa tawag ug giisa ang 3rd alarm sa alas 2:22 tungod sa kakusog sa hangin ug kalisod sa lugar.
Mitala ang BFP sa 40 ka mga balay nga naugdaw tungod kay gama lamang kini sa light materials ug laing duha ang partially damage.
Subay sa inisyal nga report, miabot sa 17 ang miresponde nga fire trucks sa alas 5:24 sa buntag nga walay bisan kinsang nasamdan o nakalas.
Nagpadayon pa ang BFP sa ilang imbestigasyon aron masuta ang eksaktong hinungdan sa sunog samtang nagpahinumdom sa publiko nga makig-alayon ug motawag dayon sa ilang hotline sa higayon nga may susamang emerhensya.
