SURVEILLANCE SA BIYAHE SA VP, GI-SITA SA PROSECUTION PANEL
Gi-question sa House Prosecution Panel ang paggamit sa confidential funds alang sa surveillance nga nakapokus lamang sa mga biyahe sa Bise Presidente.
Sa interbyu sa BOMBO RADYO CDO, si Rep. Zia Alonto Adiong mipasabot nga daghang aktibidad ang nakatutok sa pagbantay ug pagpanalipod sa Bise Presidente sa iyang mga pagbisita, sama sa pananglitan sa Davao City diin dako ang gigahin nga pondo alang sa seguridad sa inauguration sa usa ka tulay.
Matud niya, ang tinuod nga katuyuan sa confidential funds mao ang paghatag ug seguridad sa tibuok nasud ug dili lang para sa personal nga proteksyon.
Gipamugos ni Adiong nga kinahanglan ibalik sa hustong rason ug lohika ang paggahin sa pondo aron masiguro nga ang kwarta sa lungsod magdala ug tinuod nga kaayohan ug serbisyo para sa tanang Pilipino.
