“Favored ako ng Diyos sa ganyang na bagay”.
Kini ang mubo nga tubag ni Vice President Sara Duterte human siya gipangayuan sa reaksiyon kalabot sa nagpanbiling taas nga trust rating kaniya sa katawhang Pilipinas.
Si VP Sara, kinsa atua sa The Hague Netherlands, mi-ingon nga nagpasalamat siya sa padayong pagsalig kaniya mga Pilipino ug nagpasalamat usab siya sa Labaw nga Makagagahom nga siya gi-grasyahan sa maong kahimtang.
Una niini, dili mapa-isplikar sa bise presidente kung nganong nagpadayon ang pagsaka sa iyang grado sa mga surveys kay wala man siya masayud sa mga pamaagi sa pagkuha sa pulso sa katawhan ug wala usab siya nakahibalo kung kinsa ang nagpaluyo niini.
Gihimo sa bise presidente ang pahayag human niya bisitahi sa prisohan sa International Criminal Court (ICC) ang iyang amahan nga si kanhi Presidente Rodrigo Duterte.
