Gipanghimakak ni Palace Press Officer Claire Castro ang mga pahayag ni Bise Presidente Sara Duterte nga wala matuman ang saad ni Pangulong Ferdinand Marcos Jr. bahin sa ₱20 kada kilo nga bugas.
Matud ni Castro, walay basihan ang maong mga pahayag ug daghan nang Pilipino ang nakapahimulos sa ₱20 kada kilo nga bugas pinaagi sa mga Kadiwa Center.
Giingon usab niya nga ang laing personal nga hangyo nga gihisgotan ni Duterte mahimong magkinahanglan og dakong pondo kung ipatuman sa gobyerno. (riza budlao)
