Gipahimangnoan sa Malacañang ang tanang nalambigit sa nagpadayong impeachment trial ni Vice President Sara Duterte nga respetuhon ang due process ug likayan ang bisan unsang lihok o pamahayag nga mahimong makaapekto sa patas nga pagdagan sa husay.
Giklaro ni Palace Press Officer Undersecretary Claire Castro nga kinahanglang sundon ang balaod ug ang tukmang proseso sa tibuok impeachment proceedings.
Matud pa niya, ang mga senador nga nagserbisyo isip huwes, ingon man ang mga legal counsel nga nalambigit sa kaso, kinahanglan magpabiling patas ug walay pagpihig.
Gipasiugda usab niya nga ang mga pamahayag sa gawas sa impeachment court dili angay makaimpluwensya sa proseso sa husay.
Panawagan sa Malacañang nga pasagdan ang balaod ug ang hustisya ang magbuot sa resulta sa impeachment trial nga walay pagpihig. (jane abulag)
