Gihulagway ni Bishop Jose Colin Bagaforo nga malinawon, hapsay, ug organisado ang nahitabong White Ribbon March kagahapon.
Matud pa sa obispo, 90% sa nagkalain-laing organisasyon nga sakop sa koalisyon ang mitambong sa maong kalihokan.
Bisan tuod og target sa mga organisador nga makaabot sa 10,000 ka mga partisipante, gibana-bana sa kapulisan nga tali sa 8,000 hangtod 8,500 ang aktuwal nga mitambong.
Sumala ni Bishop Bagaforo, ang maong turnout nagpakita sa panaghiusa sa mga organisasyon sa pagpadayon sa ilang mga panawagan. (JANE ABULAG)
