Tataw nga may sagol kolor sa pulitika ang impeachment.
Kini ang gipamugos ni sa kanhi magbabalaod nga si former City Mayor Atty. Constantino “Tinnex” Jaraula, sa interbyu sa BOMBO RADYO.
Miingon si Jaraula nga luyo niining politikanhong aspeto, kinahanglan mapakita ug mapreserbar sa mga senator judges ang “impartiality” o patas nga pagdungog sa kaso.
Atol sa hearing proper, nanawagan ang kanhi magbabalaod nga dili angay sagulan sa mga emosyon o personal nga interes ang pagligid sa kaso tungod kay ang balaod gihapon ang kinahanglan mopatigbabaw sa tanang higayon.
Una niini, gipasabot ni Jaraula nga ang matag alegasyon kinahanglan adunay lig-on ebidensya, kay kung huyang ang mga pasangil, mas lig-on ang kontra-argumento sa depensa, mas taas ang tsansa nga makalingkawas sa political nga presyur si Vice President Sara Duterte.
