Magsumiter na sa pormal nga reklamo sa FIFA ang Iranian Football Federation tungod sa hugot nga travel restrictions o mga pagdili sa biyahe nga gipahamtang sa mga organizer sa 2026 World Cup samtang naa sila sa Estados Unidos.
Gibalibaran sa mga awtoridad ang hangyo sa Iran nga mobiyahe og sayo gikan sa ilang base camp sa Mexico padulong sa Los Angeles alang sa ilang dula batok sa Belgium karong Dominggo.
Gawas niini, gipugos usab sila sa pagbiya sa Los Angeles sa mismong gabii human sa ilang unang dula batok sa New Zealand nga nagtapos sa 2-2 nga tabla.
Sumala sa White House FIFA Task Force, klaro nga gipahibalo sa Iran nga tugutan lang silang mosulod sa USA usa ka adlaw sa dili pa ang dula ug kinahanglang mohawa dayon human niini, apan giinsistir sa Iran nga dili kini makiangayon ug makaapekto kini sa ilang performance
