Namugos si Prosecution Panel Spokesperson ug Adviser – Former Representative Robert Ace Barbers nga daku kaayog puntos sa ilang presentasyon sa ebidensya ang testimonya ni Lemuel Ortonio, ang Office of the Vice President Assistant Chief of Staff ni Vice President Sara Duterte, dihang iyang gi-angkon nga tanan kamanduan sa pagkontrolar sa paggasto sa Confidential funds, nagsumikad kang VP Sara ug walay hanaw ang iyang kanhi disburment officer nga si Gina Acosta kung matuod ba nga magasto sa kompedensyal nga operation ang salapi nga alang niini.
Sa exclusive interview sa BOMBO RADYO, gipamatud-an usab ni Ortonio nga bisan siya, walay gahum nga makakuwestiyon kang kanhi Vice Presidential Security and Protection Group (VPSPG) Chief Colonel Raymund Dante Lachica kung asa ang mga resibo ug uban pang pamatuod nga nagamit ang pondo sa angay padulngan.
Tungod sa napalig-on nga mga pamahayag sa duha ka hostile witnesses, nagtuo ang prosecution nga dili na makasibat ang bise presidente sa iyang atubangon nga silot sa pagpangalagad gumikan sa paghimo sa ilegal nga mga aktibidad gamit ang minilyong kantidad sa sekreto nga pondo.
