Gidugang sa Bangko Sentral ng Pilipinas (BSP) ang time deposits isip usa sa mga kwalipikadong investment option sa Personal Equity and Retirement Account o PERA alang sa mga Filipino nga nag-andam alang sa ilang pagretiro.
Ubos sa bag-ong guidelines nga gipagawas, mahimong mo-offer og PERA-eligible time deposits ang mga bangko nga nakasunod sa prudential requirements ug mahimong kwalipikado sa mga tax incentives.
Gikinahanglan usab nga ma-accredit sa Bureau of Internal Revenue (BIR) ang mga bangko ug makig-arrange sa usa ka accredited PERA administrator sa dili pa sila makadawat og mga placement.
Matud ni BSP Deputy Governor Lyn Javier, ang pagdugang sa time deposits maghatag og mas praktikal ug pamilyar nga kapilian sa mga Filipino nga gustong makatigom alang sa ilang retirement. (riza budlao)
