Misang-at sa ethics complaint batok kang Senador-judge Pia Cayetano ang usa ka grupo sa mga women’s right advocates, mga akademiko, ug mga feminist tungod sa giingong pagpaambit niya og gi-edit o spliced nga video atol sa impeachment trial ni Bise Presidente Sara Duterte.
Gihangyo sa mga nagreklamo ang Senate Committee on Ethics and Privileges nga imbestigahan si Cayetano, kay matud nila ang maong video nakahatag og sayop nga impresyon bahin sa pahayag ni House prosecutor ug Akbayan Rep. Chel Diokno.
Giingon usab sa grupo nga isip senator-judge, angay nga magpabiling patas ug walay gipaboran si Cayetano aron mapreserbar ang integridad sa impeachment proceedings ug ang pagsalig sa publiko.
