Giila ni House private prosecutor ug legal spokesperson Atty. Benjamin “Jay” Tolosa Jr. nga usa ka positibong lakang padulong sa transparency ang pag-usab sa baruganan sa kampo sa depensa bahin sa selyadong Bureau of Internal Revenue (BIR) box sa impeachment trial ni Bise Presidente Sara Duterte.
Matod ni Tolosa, gidawat sa prosekusyon ang maong kausaban kumpara sa unang baruganan sa depensa nga dili gyud unta ipakita ang maong kaha.
Giingong ipadayag na lang sa prosekusyon ngadto sa impeachment court ang pagdesisyon sa mga kondisyon nga gilatid sa depensa aron malikayan ang bisan unsang pagkalangan sa proseso.
Hisayran nga iyang gipasiugda nga pinaagi niini, mas masusi na gyud sa publiko ang unod sa maong dokumento alang sa dagan sa hustisya. (riza budlao)
