Gibutyag ni Prosecution Legal Spokesperson Atty. Benjamin Tolosa, Jr. nga wala mahadlok ang prosecution panel nga i-cross examine si kanhi OVP chief security officer Col. Dante Lachica kung ipatawag kini sa defense panel isip testigo.
Matod sa Abogado, wala pa usab nakadesisyon ang ilang kampo kung ilang ipatawag si Lachica isip hostile witness.
Dugang pa ni Tolosa, ilang timbangon una kung gikinahanglan ba gyud ang testimonya ni Lachica aron mapamatud-an ang importanteng mga ebidensya sa kaso.
Apan kung ipatawag man siya sa depensa, andam ang prosecution nga i-cross examine siya, samtang gikonsiderar usab ang posibilidad nga dili siya makahatag sa hingpit nga kamatuoran tungod sa posibleng legal nga panubagon. (riza budlao)
