Gisaway sa mga babayeng mag-uuma ang economic strategy nga gigamit sa administrasyon ni Presidente Ferdinand Marcos Jr tungod kay nagpadayong kulelat ang ekonomiya sa nasud, itande sa ubang nasud nga baskog ang ekonomiya sa Asya.
Namahayag si Cathy Estavillo, tigpamaba sa grupo sa mag-uumang Bantay Bigas nga pulos nalang sa pag import nagsalig ang gobyerno ug halos nabiyaan na sa pag -asenso ug pag atiman sa gobyerno ang local rice producer sama sa grupo nilang Estavillo.
Gawas niini, dili usab matago ang kamatooran nga kanunay huyang ang bili sa peso sa trading sa world market.
Alang kang Estavillo kinahanglan usab madasig sa gobyerno ang mga lokal nga kompanya sa Pilipinas nga mag export gamit ang local nga produkto.
Aron kini matuman, kinahanglan tabangan sa gobyerno ang mga lokal rice producers nga ipadaghan ang supply aron makagahin para sa exportasyon ug maila ang produktong pinoy sa global market.
