Nanawagan si Luzminda Escobidal, presidente sa Northern Mindanao Federation of Transport Service Cooperative (NOMFEDTRASCO) sa tanan transport sector nga magpraktis sa fuel-saving measures o pagdaginot sa lana tungod sa taas nga presyo sa krudo.
Mas prayoridad sa grupo ang limitadong operasyon sa sakyanan ug ang pagkunhod sa paggamit sa aircon aron malikayan ang sobra nga konsumo.
Ang mga lakang makatabang sa episyente nga paggamit sa lana sa sakyanan ug makapaminus sa gasto sa operasyon.
Hinoon, gitin-aw ni Escobial nga kini temporaryong aksyon lamang ug ibalik nila ang normal nga operasyon kung mubalik na usab sa normal ang presyo sa lana sa World Market.
Una niini, mismo si US President Donald Trump miingon nga hangtud pa sa 6 ka semana nilang atakehon ang Iran, busa kapin bulan pa ang hulaton sa mga dependent countries sa lana sa Middle East.
