Gipasigarbo ni United States President Donald Trump ang usag $3 bilyon nga pondo alang sa mga makasaysayanong proyekto sa pagmimina aron mapadako ang lokal nga produksyon ug mapalig-on ang ekonomiya sa Amerika.
Tumong sa maong lakang nga maghimo sa liboan ka mga bag-ong trabaho samtang gipauswag ang seguridad sa nasud pinaagi sa pagpahimulos sa mga natural nga batakang mineral sa yuta.
Lakip sa maong pundo ang usa ka $1.4 bilyon nga loan agreement uban sa “Sila Nanotechnologies” aron magtukod sa pasilidad sa baterya sa Washington State. Labaw pa sa $1 bilyon ang ihatag alang sa Santa Cruz Copper Project sa Ivanhoe Electric didto sa Arizona.
Dugang pa ni Trump nga gipaluyohan usab sa Export-Import Bank ang $25 milyon nga Alabama Graphite Project ug ang Fort Cady Boron Facility sa Southern California.
