Gi-anunsyo ni United States President Donald Trump ang laraw nga iyang tigumon ang mga top AI executives aron hisgutan ang posibilidad nga ang mga kompanya sa artificial intelligence makahatag sa benepisyo balik sa publiko.
Nagtoo si Trump nga pinaagi sa mga mekanismo sama sa equity stake sa gobyerno o public wealth fund, ang ilang katawhan mahimong makadawat sa direkta nga economic gain gikan sa AI industry.
Gibana-bana ni Trump nga matigom niya ang 12 hangtud sa 16 ka AI companies aron ma-implementar ang iyang bilinhong laraw.
Gitin-aw sa presidente nga nagkinahanglan siya sa hugot nga kooperasyon sa mga kompanya ug legislative framework aron kini mapahimuslan sa maayong pamaagi, alang sa kalambuan sa katawhan ug sa ekonomiya, taliwala nga daghan ang nagpadangat sa ilang kabalaka sa daut nga epekto sa pag-abuso sa paggamit sa AI
