Wala pa makadesisyon si US President Donald Trump kon pirmahan ba niya ang 21st Century ROAD to Housing Act, usa ka bipartisan nga balaudnon nga nagtumong sa pagpadali sa pagtukod sa mga balay ug pagpaayo sa housing affordability sa Estados Unidos.
Gitawag ni Trump nga “a big yawn” ang maong balaudnon ug gipadayag nga mas gusto niyang unahon sa Kongreso ang pagpasar sa SAVE America Act, usa ka kontrobersyal nga sugyot balaod sa eleksyon nga magkinahanglan og pruweba sa pagka-lungsoranon sa mga magparehistro isip botante.
Gikanselar usab ni Trump ang giplano untang signing ceremony alang sa housing bill aron gamiton kini isip pressure batok sa mga magbabalaod.
Sumala sa mga report, kon dili kini pirmahan o i-veto sa Presidente sulod sa napulo ka adlaw, dili apil ang Domingo, awtomatiko kining mahimong balaod sa Hulyo 10, basta magpabiling naka-session ang Kongreso.
