Padayon ang pagsaka sa ihap sa mga netibo o katutubo nga mga mag uuma ang nawad-an sa ilang yutang kabilin ug kaumahan tungod sa kaso sa land grabbing ug ang uban napugos sila sa pagbakwit kay gihuptan na sa mga dagkung korporasyon.
Kini ang gibutyag ni Cathy Estavillo, ang tigpamaba sa grupong Bantay Bigas.
Isip mag uuma, dili nila masalikway ang kalagot sa gobyerno nga napasagdan ug wala naprotektahan ang mga katutubo sa ilang mga yutang kabilin kay pildi sila sa gahum nga gigamit sa mga adunahang korporasyon.
Ang epekto niini mao ang lapad nga displacement sa nga netibo nga nahimong makalolooy bisan sila ang orihinal nga nanag-iya sa ilang yutang kabilin.
Hinoon, miingon si Estavillo nga aduna usab pipila ka mag uuma nga nagpursigir sa ilang katungod ug misukol sa mga land grabber.
