Nagpasidaan ang United Nations Human Rights Office nga nagkagrabe ang kagubot nga gihimo sa pipila ka Israeli settlers batok sa mga Palestinian sa okupadong West Bank ug nanawagan kini og internasyonal nga aksyon aron mapugngan ang dugang nga pagpatay ug pagpalapad sa mga settlement.
Sumala sa datos sa UN, 18 ka mga Palestinian ang namatay sa mga insidenteng nalambigit sa mga pag-atake sa settlers sukad sa sinugdanan sa tuig, samtang ang Palestinian Authority nag-ingon nga labing menos 20 ang napatay.
Giingon usab sa UN nga misamot ang mga pag-atake batok sa mga komunidad sa Palestinian, lakip ang pagdaot sa kabtangan ug pagsunog sa mga mosque.
Samtang gisalikway sa Israel ang maong advisory opinion, nagpadayon ang tensiyon sa rehiyon ug bag-ohay lang giaprobahan sa Israeli security cabinet ang pondo alang sa pagtukod og 34 ka bag-ong settlement sa West Bank. (riza budlao)
