Nagpadayon ang tensyon sa Middle East human sa grabeng binayloay og missile ug drone attacks tali sa Estados Unidos ug Iran kagahapong adlawa, Hulyo 12 ning tuiga.
Gikumpirma sa US Central Command nga naglunsad sila og airstrikes batok sa kapin 140 ka military targets sa Iran isip tubag sa pag-atake sa Iran sa usa ka commercial cargo vessel sa Strait of Hormuz.
Sa pikas bahin, naglunsad usab ang Iran og missile ug drone attacks batok sa mga pasilidad militar sa Estados Unidos sa Qatar, Kuwait, Bahrain, Oman, ug United Arab Emirates.
Giangkon sa Tehran nga ilang gisira ang Strait of Hormuz, apan matod pa sa Estados Unidos nga nagpabiling bukas ang maong agianan alang sa international shipping.
Tungod niini, nanawagan ang daghang mga nasod ug internasyonal nga organisasyon alang sa dinaliang pagpakalma sa sitwasyon tungod sa dakong hulga niini sa global security ug ekonomiya. (jane abulag)
