Mipahamtang US President Donald Trump og 50 porsiyento nga taripa sa halos $20 bilyon nga balor sa mga gina-import nga produkto gikan sa Canada lakip na ang gatas, bino, ug mga gamit sa ‘ice hockey’.
Gibase sa administrasyon sa US ang maong lakang sa Section 338 sa Tariff Act of 1930 tungod sa alegasyon nga gina-diskriminar sa Canada ang mga sakyanan, ilimnon, ug dairy goods nga gikan sa Amerika.
Magsugod ang maong dugang buhis paglabay sa 30 ka adlaw karong Agosto 19, diin moapekto kini sa gibentahang 5.2 porsiyento sa tanang gipamalit sa US gikan sa Canada sa miaging tuig.
Taliwala sa maong tensyon, gipadayag ni Canadian Prime Minister Mark Carney nga andam gihapon ang ilang gobyerno nga makipag-istorya aron masulbad ang maong pamatigayong hisgutanan.
