Mas mulig-on pa ang relasyon sa Pilipinas ug Estados Unidos human gidawat ni Pangulong Ferdinand Marcos Jr ang mga kredensyal ni US Ambassador-designate Lee Lipton sa Malacañang kagahapon.
Sumala sa Pangulo, kapin sa usa ka siglo na nga lig-on ang panag-uban sa duha ka nasud ug naglaum siya nga mas molalom pa kini sa umaabot nga mga tuig.
Samtang, mikomitar usab ni Lipton nga iyang hingusgan pa ang kooperasyon sa Pilipinas ug US sa seguridad, ekonomiya, kalakalan ug pakig-uban sa katawhan sa duha ka nasud.
Gitudlo si Lipton isip embahador niadtong Pebrero 9, 2026 ug gikumpirma sa US Senate niadtong Mayo 18, 2026.
Karong tuiga, gisaulog sa Pilipinas ug Estados Unidos ang ika-80 nga anibersaryo sa pagtukod sa ilang pormal nga diplomatikong relasyon. Padayon usab nga nagpabilin nga importante nga kauban sa Pilipinas ang US sa kalakalan, pamuhunan, turismo ug mga isyu sa seguridad.
