Gimandoan ni Senador Dante Marcoleta ang mga kritiko ug magbabalaod nga dili dinalidali nga ibasol sa mga ‘video game’ ug ‘video creators’ ang dautang batasan sa mga menor de edad.
Gidepensahan niya ang dula nga “GoreBox,” nga usa ka global nga dula gikan sa Germany ug adunay “18+” nga regulasyon, busa dili kini angayng itudlo nga walay saktong basehan.
Gipamugos sa senador nga kinahanglan una ang lawom ug siyentipikong pagtimbang-timbang aron matino kon unsang institusyon ang tinuod nga adunay tulubagon sa maong mga isyu.
Tungod niini, nanawagan siya sa mga ahensya sama sa DICT ug CYCC nga aktibong mohimo sa ilang papel sa pag-regulate ug paggiya sa mga kabatan-onan sa dili pa ma-download ang mga delikadong dula.
