Wala damha sa inahan nga si Honey Jean Alterado Banse nga magviral ang video sa iyang duha ka anak nga lalaki nga tagsa tagsa nga mibitbit sa ilang gagmay nga mga igsoon sulod sa ilang lawak, dihang mitay-og ang 6.6 magnitude nga linog sa General Santos City, kagabie sa alas 7:34.
Makita sa CCTV nga paspas nga nakagawas sa ilang kwarto ang mga bata bisan pa man nga gadula kini’g video games niadtong tungura.
Sa exclusive interview sa BOMBO RADYO proud ang inahan sa gibuhat sa iyang duha ka anak nga lalaki, ug wala nila gidahum nga makadawat sila sa igong pagdayeg gikan sa mga netizens human niya kini gi-upload.
Mi-angkon usab ang inahan nga inay “duck, cover and hold”, iyang gi-abisohan iyang duha ka lalaki nga anak nga mudagan pagawas sa balay kung adunay susama nga linog nga mahitabo sa ilang syudad, niadtong gitay-og ang Saranggani, ug Davao City sa 7.2 magnitude nga linog niadtong Hunyo 8.
Sa pagkutlo ning balita, miingon si Ginang Banse nga misaka pa sa kapin 1 milyon ang views sa iyang gipost nga video.
