Giduaw ni Vice President Sara Duterte ang iyang amahan nga si kanhi Presidente Rodrigo Duterte sa detention facility sa The Hague, ug miingon nga maayong kahimtang ang iyang lawas.
Sumala sa Bise Presidente, gawas sa skin rash nga giatiman dayon sa health unit sa detention facility, wala nay laing bag-ong gibati ang 81-anyos nga kanhi lider.
Matud pa niya, ang kanhi presidente adunay lamang sa naandan niyang mga balatian nga kauban sa pagkatigulang ug wala usab kini’y reklamo bahin sa temperatura sa pasilidad.
Gipasalamatan usab ni Bise Presidente Sara Duterte ang health unit tungod sa ilang dali nga paghatag og cream aron matambalan ang skin rash.
pagkakaron, padayon nga gibantayan sa pamilya ang kahimtang ni Rodrigo Duterte samtang nagpabilin siya sa detention facility sa The Hague.
