Dili mosibat aron magtago si Vice Pres Sara Duterte kon moabot ang higayon nga siya dakpon ug bilangguon gumikan sa pagsilbing kontra-politika ni Pres Bongbong Marcos.
Kini tungod sa gilauman niya nga daghang kaso nga ipasaka sa mga ahensiya sa gobierno nga sinugo sa administrasyon epekto sa mga pasangil nga iyang giatubang.
Miingon si VP Sara nga andam kining magbilanggo kon adunay mando kay dili niya gusto malayo sa iyang mga anak.
Kini ang rason nga dili siya mosusama sa ubang mga opisyal sa gobierno nga kon mag-atubang sa nagkadaiyang kontrobersya,mosibat paggawas sa Pilipinas aron makalikay sa pagka-priso.
Si VP Sara ang gikasuhan sa impeachment sa mga progresibong pundok gamit ang imbestigasyon sa kamarabaha tungod sa isyu sa paggamit sa confidential funds sa Office of the Vice President ug Deparment of Education nga hinatag sa Office of the President sa unang mga tuig sa ilang pagsilbing alyado sa politika.
Gi-imbestigaran usab kini sa ubang mga ahensiya sa gobierno nga ang mga nangulo pulos tinudlo ni Marcos.
Una nang gipasabot ni Duterte nga dili mahimong kompromiso ang seguridad sa mga tawong nakatabang sa intelligence works sa gobierno aron piangan pa ang mga kontra sa estado sama sa mga rebeldeng New People’s Army o NPA.
Kabahin sa naghingusog nga sipaon sa puwesto si VP Sara ug malutos si kanhi Pres Rodrigo Duterte ang mga kritiko sa kanhi administrasyon nga naligsan pag-ayo pag-abot sa kahusay’ng kalinaw sa nasud.
Hisayrang namugos usab ang mga nangimbistigar batok Dutertes nga sugo sa konstitusyon ang ilang pagduki-duki ug dili daw diktar sa naghinobrang interes nila sa katungdanan.
