Gitimbaya ni Bise Presidente Sara Z. Duterte ang ika-112 ka tuig nga anibersaryo sa katukuran sa Iglesia ni Cristo (INC), ning adlawa.
Sa iyang opsiyal nga mensahe, iyang giila ug gipasigarbo ang dakong papel sa INC isip usa ka lig-ong haligi sa pagtuo, pagkahiusa, ug serbisyo sa katilingban sa miaging sobra usa ka siglo.
Gidayeg niya ang nagpadayong mga programa sa simbahan sa edukasyon, panginabuhian, ug pagtubag sa mga krisis nga nagpakita sa matuod nga malasakit sa mga Pilipino sa tibuok kalibutan.
Taliwala sa mga pagsuway sa ekonomiya ug moralidad sa kasamtangang panahon, iyang giyukboan ang disiplina ug maayong pamunoan sa INC sa paggiya sa mga lungsanon padulong sa hustisya ug pagpabilin sa kalinaw.
Nanghinaut ang Bise Presidente nga magpadayon ang INC isip kauban sa kagamhanan sa pagpalig-on sa moral nga pundasyon ug pagtukod sa mas samag-uswagon nga nasud.
Nanawagan usab si VP Sara sa tanang Pilipino nga ipadayon ang gugma sa nasud ug ibalik ang isog ug malasakit alang sa Diyos, sa katilingban, ug sa matag pamilyang Pilipino.
