“Are you in, or out? “
Kini maoy dakung pangutana sa kapin 300 ka mga magbabalaod nga mulangkob sa nominal voting, oras nga musaka na sa plenaryo ang paghukom nga ma-impeach ba o dili si Vice President Sara Duterte.
Namahayag si Professor Eric Daniel De Torres sa University of the East – Department of Political Science nga dinhi na makita ang tono kung asa padulong ug kung kinsa ang mayorya sa mga mupabor nga tangtangong sa puwesto si VP Sara.
Nagpasidaan si Prof Torres sa mga magbabalaod nga kinahanglan nilang mag-amping sa ipakanaug nga desisyon, ilabe kadtong nangambisyon nga ma re-elect sa nagkadool nga 2028 Presidential Elections.
Alang kang Torres mihangyo kini nga ipatigbabaw sa mga magbabalaod ang tingog sa ilang girepresentahan nga distrito, inay ilang personal nga interes, ug labaw sa tanan, timbang-timbangon nila sa husto ang ilang desisyon nga nagtumong sa kaayuhan sa nasud ug sa kamatuoran.
