Gipadayag ni Bise Presidente Sara Duterte nga anaa sa maayong kahimtang ang iyang amahan, ug ang iyang pasalamat sa init nga pagdawat kaniya sa mga Pilipino nga nagpuyo karon sa The Hague, Netherlands.
Taliwala sa mga pangutana bahin sa kahimtang ni kanhi Presidente Rodrigo Duterte, gitin-aw ni VP Inday nga maayo ra ang panglawas ug estado sa iyang amahan nga walay bisan unsang problema.
Giambit usab niini nga nagkahinabiay sila sa iyang amahan bahin sa kasamtangang estado ug dagan sa politika sa Pilipinas.
Sumala pa kaniya, nahimong mabungahon ug seryoso ang ilang panaghisgot samtang nagbinayloay sila sa ilang mga panan-aw sa nasudnong isyu.
