Walay nakitang ebidensya nga adunay bullying sulod sa tunghaan sa Ateneo de Zamboang University (ADZU) nga miresulta sa pagpamusil sa usa ka grade 10 student sa naglabay nga semana.
Kini maoy abiso nga nadawat sa kadagkuan sa tunghaan pinaagi ni Fr. Ernald Andal, S.J – Ateneo de Zamboanga University President.
Miingon si Father Andal nga mismo ang Philippine National Police (PNP) ang mikompirmar nga nga walay ebidensya sa campus bullying sa suspek nga namatay ra usab human sa iyang pag-atake niadtong Agosto 18.
Samtang nagpadayon ang legal nga lakang pinaagi sa gi-refer nga reklamo alang sa reckless imprudence resulting in homicide and physical injuries batok sa duha ka indibidwal, gipasalig sa tunghaan ang ilang pagrespeto sa due process ug paghatag sa suporta sa mga apektadong indibidwal.
Isip tubag sa nahitabo, gipahugtan sa AdZU ang ilang seguridad pinaagi sa mas estriktong pag-inspeksyon sa mga pultahan, dugang mga security personnel, ug mas giatiman nga pagbantay.
