Gipasabot sa kampo ni Engr. Henry Alcantara nga wala siya nagbawi sa iyang mga pahayag bahin sa flood control scandal. Sumala sa iyang abogado nga si Atty. Emil Carlo Joven, ang impormasyon nga nag-ingon nga nag-recant siya kay “false and misleading.” Padayon gihapon ang isyu sa korapsyon ug si Alcantara nagpabilin nga kabahin sa Witness Protection Program sa Department of Justice. Niadtong Martes ning tuiga, personal siyang mibisita sa opisina sa DOJ aron ipadayon ang proseso sa programa ug aron masiguro ang iyang proteksyon samtang nagtinabangay sa imbestigasyon. (Jane Abulag)
