Gibutyag ni Elizabeth Zimmerman nga anaa sa maayong kahimtang ug malipayon ang iyang kanhi bana nga si kanhi Presidente Rodrigo Duterte human sa ilang panagkita didto sa Netherlands.
Matod pa ni Zimmerman, nagpasalamat ang kanhi presidente sa walay kundisyon nga suporta sa mga Pilipino nga naghatag kaniya og dugang kusog.
Gihulagway usab ni Duterte nga wala siyay bisan unsang pagbasol sa tanang iyang nabuhat para sa kaayohan sa katawhang Pilipino.
Sa pikas bahin, gipaambit sab ni Zimmerman nga nagpabiling madasigon ug dako ang ilang paglaum nga daling masulbad ang mga hagit nga ilang giatubang karon. (riza budlao)
