CAGAYAN DE ORO CITY – Nadakpan sa Land Transportation Office o LTO-10 ang 119 ka traffic violators sulod sa duha ka adlaw nga gipatuman nga “national intensified enforcement” sa tibook.
Miingon si LTO-10 Law Enforcement Unit chief Michael Shariff nga kabahin sa maong ihap ang 6 ka motorsiklo nga ilang gi-impound human wala makasunod sa balaod sa trapiko.
Asoy ni Shariff nga sagad sa pinakadaghan nga violators ang walay sul-ob nga helmet, walay seatbelt, overloading ug excess passenger sa mga motorsiklo.
Kahinumduman nga gawas sa intensified enforcement, gipahigayon usab sa ahensiya ang random drug testing sa mga drayber sa sakyanan ug motorsiklo ingon man mga lectures sa road safety and driving.
