Gipahibalo sa private prosecutor nga si Atty. Lorna Kapunan nga dili na ipatawag sa prosecution ang nahibiling 15 ka saksi alang sa Article 1 sa impeachment trial batok kang Vice President Sara Duterte.
Imbis nga ipadayon ang pagpresentar sa maong mga saksi, gusto sa prosecution nga si Duterte mismo ang ilang ipatawag isip saksi ug mangayo sa impeachment court sa subpoena alang kaniya.
Apan misupak niini ang lead defense counsel nga si Atty. Sheila Sison, kinsa miingon nga dili mahimong pugson ang akusado nga motestigo batok sa iyang kaugalingon.
Matod ni Sison, klaro sa Konstitusyon ug sa mga desisyon sa korte ang katungod sa usa ka akusado batok sa self-incrimination o pagpugos kaniya sa paghatag og testimonya nga mahimong gamiton batok sa iyang kaugalingon.
Ang maong panaglalis nahitabo samtang nagpadayon ang impeachment trial sa Article 1, nga may kalabotan sa alegasyon sa sayop nga paggamit sa confidential funds ni Duterte.
