Gikumpirmar ni Agusan del Sur Governor Santiago Cane Jr. nga miabot sa 165 ka mga atleta ug delegado ang nakadawat sa medikal nga atensyon sa nagkalain-laing ospital sa probinsya hangtod alas singko sa hapon niadtong milabay nga adlaw.
Lakip sa maong ihap ang 30 ka mga delegado gikan sa Region 8 nga nakasinati sa sakit sa tiyan atol sa maong kalihokan.
Gipasalig sa gobernador nga luwas na ang tanang pasyente ug kadaghanan kanila ang nakagawas na human gihatagan sa hustong medical intervention.
Gipasabot sa gobernador nga andam ang mga ospital sa Bayugan, Prosperidad, San Francisco, ug Bunawan sa pagdawat ug pag-atiman sa bisan kinsang partisipante sa Palarong Pambansa nga manginahanglan og tabang.
