Misaka pa sa kapin 83,000 ka deboto ang miselebrar sa pista sa Divine Mercy sa Barangay Ulaliman, El Salvador City Misamis Oriental. Namahayag si Ferlyn Dawn Buna, public information officer sa El Salvador City ug spokesperson sa City Disaster Risk Reduction and Management Department nga misaka sa dul-an 10,000 ka mga deboto sa lungsod ang mikatkat sa Divine Mercy Shrine, samtang kapin 36,000 ang namisita gikan sa nagkalain-lain nga probinsya sa Pilipinas.
Mitala usab ang CDRRMD-El Salvador sa 17 foreign countries ug kapin gatus ka mga langyaw ang mitambong sa tibook adlaw nga pista niadtong Domingo.
Taliwala sa malampuson nga relihiyosong okasyon, wala mapakilid sa ahensya ang pagresponde sa kapin 60 ka kaso sa pagkakuyapan tungod sa pagsaka sa presyon sa dugo ug nakasinati sa hypertension.
Adunay duha ka insidente sa pagkawala ang natala, kundiin gilangkoban sa usab ka bata ug usa ka foreigner apan, nakit-an ra sa sila sa wala pa misalop ang adlaw.
Una niini, gikalipay sa Misamis Oriental City Police Office ang pagsubay sa mga deboto sa ilang mga palisiya kay napatunhay ang kalinaw sa tibook adlaw nga misa ug selebrasyon.
