CAGAYAN DE ORO CITY – Mihimo pa sa search and rescue operations ang City Disaster Risk Reduction Management Deparment – Urban Search and Rescue Unit (CDRRMD-USAR) ang duha ka babayeng estudyante sa dakong unibersidad nga duol lang sa Maharlika (Marcos) Bridge sa syudad karong gabii.
Kini human giingong dunngan nanglukso sa Cagayan river ang mga biktima nga taga-Brgy Iponan ug gikan sa Lumbia ning dakbayan.
Sumala sa Bombo News Team, nga pulos menor de edad ang maong mga biktima nga giingong magka-relasyon apan wala kompirmaha sa ilang mga ginikanan nga nabalaka pag-ayo nga anaa ibabaw sa maong tulay.
Nasayran usab nga usa sa mga biktima ang naghambin sa depresyon ug dili pa madugtong ang panaghap nga tungod niini nanglukso ang duruha.
Gihinaut sa mga ginikanan nga mahaw-as nga buhi sa rescue teams ang mga biktima kay hangtod sa pagkutlong balita, wala pa gihapon makit-i gikan sa porsyon sa maong suba.
Ang maong mga biktima ang nag-edad 14 ug 15 anyos.
Hisayrang sa miaging katuigan,ubay-ubay’ng batan-on ang nanglukso sa maong tulay diin pipila kanila ang wala na’y kianbuhi nga nangapalgan.
