CAGAYAN DE ORO CITY – Gikasuha’g rape with homicide ang uyuan nga miunay paglugos-patay sa kaugalingong pag-umangkon sa Brgy Hagkol,Valencia City,Bukidnon.
Kini human unang nasikop sa pursuit operation sa kapolisan ang suspek nga si Mike Mac-Mac Tinoy, 22 anyos,ulitawo ug kargador nga nagpuyo sa maong.
Sugilon ni Valencia City Police Office commander Police Col Surki Serenias nga posibleng natigayon ang paglugos samtang gihatod sa gidala sa suspek ang biktima padulong sa kaugalingong pinuy-anan niini sa miaging gabii.
Nasuta nga nagboluntaryo ang suspek nga ipakatulog niini ang bata sa ilang pinuy-anan kay nag-away ang ginikanan niini gumikan sa kahubog.
Nasayran nga sobra kaguba ang pribadong bahin sa lawas sa biktima rason nga dako ang pagtoo sa mga doktor nga gilugos kini hinungdan sa kamatayon niini.
