CAGAYAN DE ORO CITY-Nasikop sa search warrant operations ang lima ka sakop sa sindikato nga tighimo sa mga peke nga ID ug dokumento diha sa Chavez Street,Brgy 3 sa syudad kagahapon sa hapon.
Kini human target nga dakpon si Salahuddin Sumpingan,30 anyos nga nagpuyo sa Macanhan,Brgy
Carmen sa syudad.
Miingon si PO2 Ritchel Maniabo,head sa Police Community Relations sa PNP-Anti Cyber Crime Unit nga nasikop usab sila si Romanito Lopez;Jinggoy Awrasin;Israel Fuentes ug Kevin Rey Go nga pulos nagpuyo sa syudad.
Nabawi ang daghang fake IDs ug mga papeles hinungdan sila kasuhan sa kriminal sa piskalya ning adlawa.
Samtang giangkon sa dinakpan nga si Salahuddin Sumpingan nga tighimuan sila’g fake IDs ug mga dokumento ning syudad.
Miingon si Sumpingan nga kabahin sa iyang mahimo ang pag-peke sa BIR IDs ug ubang mga papeles gikan sa ilang mga biktima.
Apan namugos ang suspek nga bag-o pa lamang kini mibalik gikan sa pagkasikop sa kapolisan sa tuig 2014.Si Sumpingan ug ang si Romanito Lopez ang magkalahi’g grupo nga gisudlan sa maong ilegal nga kalihukan.
