CAGAYAN DE ORO CITY – Dili tungod sa ilang ‘lousy’ nga performance isip station commanders apan pagsunod sa kamanduan sa National Police Commission o NAPOLCOM ang pag-relib sa pipila ka officers sa ilang mga tahas sa Cagayan de Oro City Police Office o COCPO dinhi sa syudad.
Kini ang depensa ni COCPO spokesperson Police Lt Col Evan Viñas kabahin sa paglahugay sa pipila ka police station commanders.
Kabahin sa nabalhin si Police Maj Peter Tajor gikan sa Puerto Police Station napadulong na kini sa Bulua Police Station.
Samtang si Bulua Police Station commander Police Maj Jerson Estanilla nabalhin usab sa sa Nazareth Police Station.
Si Police Maj Allan Cairel gikan sa Nazareth Police Station ang mihulip sa Puerto Police Station samtang si Lumbia Police Station commander Police Maj Aldrin Baculio ang nabutang na sa City Drugs Enforcement Unit.
Mihulip usab kaniya si Police Maj Dennis Flores.Samtang bag-o na usab ang station commander sa Cugman Police Station kay nabalhin ang kasamtangang nangulo niini ngadto sa City Mobile Force Company.
