Siyam ka tawo ang kumpirmadong patay samtang 20 ang grabeng nasamdan sa labing bag-ong serye sa airstrike sa Israel sa 2 ka managlahing dapit sa Gaza Strip.
Sa Khan Younis, giigo sa bomba sa eroplanong panggubat sa Israel ang usa ka police post duol mismo sa dako nga kampo sa mga bakwit diin 5 ang gilayong nakabsan sa kinabuhi.
Sa wala pa natapos ang maong pagpamomba, laing airstrike ang gilusad sa kasadpang bahin sa Gaza City, kundiin 1 ka sakyanan ang gi-target sa mga tropang Israeli, nga miresulta sa pagkamatay sa 4 ka tawo.
Kini nga duguong insidente nahitabo taliwala sa gihimong dinaliang negosasyon didto sa Egypt aron unta isalbar ang nagkaluya nga ceasefire deal nga gipangulohan sa Estados Unidos.
Samtang nagpadayon ang pag-ulan sa bomba, gibutyag sa United Nations nga sukad pa niadtong Enero ning tuiga, 12 ka beses na nga gipang-target sa Israel ang mga civil police personnel sa maong dapit.
