Adunay bag-ong survey nga migawas nga kinabag-ang ihap sa mga tawo sa Pilipinas ang mas gusto nga mu-aginod na sa senado o proper trail ang impeachment case ni Vice President Sara Duterte.
Kini ang gibutyag ni Atty Joel Mahinay, Union of Peoples Lawyer in Mindanao (UPLM), kundiin anaa sa 90% ang gusto nga mabati ang gi-ingong blood bath nga panghinambog sa bise presidente.
Gani, dismayado ang grupo sa mga abogado sa Mindanao sa gisaad nga blood bath ni VP Sara sa kongreso kay wala man siya mitunga sa proseso sa pagpangita sa probable cause sa iyang reklamo, nga aron unta, dili na mu-aginod ang iyang kaso sa impeachment court.
Milaum ang grupo nilang Mahinay nga mahinayon na ang hearing aron masayran na sa katawhan kung unsa man gayud ang kamatuoran sa paggamit niya sa iyang intelligence ug confidential funds ug kung konektado ba kini sa paspas nga pagsaka sa iyang assets nga wala gisulat sa iyang Statement of Assets and Liabilities and Networth o SALN
