CAGAYAN DE ORO CITY – Magpahigayon ang Ozamis City Police Office, sulod sa ilang kota, sa usa ka community prayer alas 7 ang takna sa buntag adlaw’ng Domingo, Agosto 6.
Kahusay ug kalinaw lamang ang nag-inusarang pangandoy ni Ozamiz City Police Station commander C/Insp Jovie Espenido sa ilang syudad.
Siya mi-awhag sa tanan gusto nga mulangkob sa hiniusang pag-ampo nga magsol-ob sa kolor puti nga T-shirt.
Hugot ang pagtuo ni Espenido nga dili na masubli pa ang dugoong mga kremin sa ilang syudad kay naputol na nila ang ulo ug lawas sa mga nagpalihok sa ilegal nga druga sa ilang syudad.
